09 фев 12:45
Янгиликлар

Бокс/ММА

Собиқ жаҳон чемпиони Усикка қарши жанг олдидан Фьюрини огоҳлантирди

Собиқ жаҳон чемпиони, ҳозирда шарҳловчи ва таҳлилчи сифатида фаолиятини давом эттираётган Тони Беллью ҳамюрти Тайсон Фьюрига мурожаат қилди.

Тонининг фикрича, супероғир вазнда WBC камари соҳиби бўлиб турган Тайсон Фьюри WBA, IBF ва WBO йўналишлари чемпиони Александр Усикка қарши кечадиган жангга руҳан тайёр бўла олмайди. Тайсон айнан руҳият масаласида украиналик чемпионга ютқазади.

"Очиғини айтсам, Усикнинг фикрини ўқиш қийин. У нима ҳақда ўйлаяпти, буни билмайман. Тан оламан, Усик инглиз тилини яхши билмайди деб ўйлардим. Лекин ўзаро жангимизда мени мағлуб этганидан кейин у кийиниш хонамга кириб, соф инглиз тилида гаплашди. Ўшандан кейин мен унинг катта мухлисига айландим. Ишонинг, унинг фикрлаш даражаси умуман бошқача. Бундан хислатни мен бошқа боксчиларда ҳали кўрмадим. Тайсон Усикка ета олмайди", — деди Беллью.