14 авг 16:35
Янгиликлар
Собиқ UFC чемпиони: "Ташкилот миллиардлаб долларга эга, аммо..."
Ўрта вазн тоифасидаги собиқ UFC чемпиони Люк Рокхолд промоушеннинг ҳар бир турнирдан кейин бериладиган бонус миқдори камлигидан норози эканлигини айтди.
Эслатиб ўтамиз, ҳар бир турнирдан сўнг оқшомнинг энг яхши жанги ва энг яхши кўрсаткич қайт этганлар учун 50 000 доллар миқдорида пул мукофотлари берилади.
"Йигирма йил давомида 50 000 доллар миқдоридаги бонуслар тўланади! Нима бўляпти ўзи? Компания миллиардлаб долларга эга ва биз ҳали ҳам 50 000 долларлик бонус чеклари олаяпмиз. Одамлар кўзини очиши керак. Биз компания билан бирга ўсишимиз керак. Соғлом бизнес шундай ишлайди", — дея Рокхолднинг сўзларини келтиради MMA Fighting.
Шу сабаб UFC баъзи жангчилар томонидан бир неча бор танқид қилинган. Бошқа жангчилар эса ҳаммаси жойида ва тўловлар борасида муаммо йўқ деб ҳисоблашади.
Ҳавола :
Манба : championat.com
Фикрлар