02 дек 10:36
Янгиликлар

Бокс/ММА

Собиқ UFC чемпионининг рақиби ва жанг санаси маълум

Польшалик собиқ UFC жангчиси Ян Блахович камарини бой бериб қўйганидан кейинги илк жангини ўтказади.

Ян 2022 йилнинг 26 март куни ташкил этиладиган UFC Fight Night 26 турнири доирасида австриялик Александр Ракичга қарши октагонга кўтарилади. Айнан ушбу тўқнашув UFC Fight Night оқшомининг марказий жанги бўлади.

Маълумот учун, Блахович UFC 267 турнирида Гловер Тейшейрага имконият билан бирга камарини ҳам бой бериб қўйганди. Жангнинг иккинчи раундида Тейшейра рақибини бўғиб қўйган эди. Унгача 38 ёшли Блахович кетма-кет 5 та жангда ғалаба қозонганди. Хусусан, UFC чемпиони Исраэль Адесаньяни ҳам мағлубиятга учратганди.

Александр Ракич эса охирги иккита жангида камар учун собиқ даъвогарлар Энтони Смит ва Тьяго Сантосдан устун келган эди. Австриялик жангчи ҳисобида фақат битта мағлубият бор.