24 янв 17:10
Янгиликлар

Бокс/ММА

Собиқ UFC ва Bellator жангчисини ўлдириб кетишди

Бразилиянинг Gaucha ZH нашри хабарига кўра собиқ UFC ва Bellator промоушенлари жангчиси Майкель Фалькао Пелотасе шаҳрида ўлдириб кетилган.

Яккакураш устаси шаҳардаги бар, яъни қовоқхона ёнида пичоқлаб кетилган. Воқеа тунги соат уч атрофида рўй берган. Фалькаони шифохонага олиб боришган, лекин унинг ҳаётини сақлаб қолишнинг имкони бўлмаган.

Маълумот учун, Майкель Фалькао UFC ташкилотида битта жанг ўтказганди. У Жеральд Харрисни очколар ҳисобига кўра мағлубиятга учратган эди. Унинг ММАдаги рекорди 26-3 кўринишида эди.

Фалькао Bellator промоушенида мувафақиятли иштирок этган. У ўрта вазн тоифасидаги кетма-кет ғалабаларидан Александр Шлеменкога қарши чемпионлик жангида октагонга кўтарилган, аммо нокаут билан ютқазганди.