13 дек 17:02
Янгиликлар

Теннис

Соболенко ва Ивашка Беларусда йил теннисчилари бўлишди

Беларусь теннис федерацияси 2022 йилги мавсумни сарҳисоб қилди.

"Йилнинг энг яхши эркак теннисчиси" сифатида Илья Ивашко эътироф этилди. 28 ёшли теннисчи фаолиятидаги энг юқори ўрин - 40-поғонага кўтарилишга муваффақ бўлди.

Кутилганидек, дунёнинг бешинчи ракеткаси Арина Соболенко "Йилнинг энг яхши аёл теннисчиси" деб топилди. У йилнинг Якуний WTA турнири финали, "Катта Дубулға" туркумига кирувчи US Open мусобақасининг 1/2 финалига қадар етиб борди.

"Йил кашфиёти" номинациясида Александра Соснович ғолиб деб топилди. Уччала теннисчи ҳам махсус тақдирлаш маросимида иштирок эта олмаган. Фақат Ивашко ва Соснович видеомурожаат йўллашган.