07 ноя 18:42
Янгиликлар

Гандбол

СЎЕАИБЎСМ-1 жамоаси Хоразм вилояти чемпиони

Теглар : Гандбол

Урганч шаҳридаги “Ёшлик” спорт мажмуаси манежида 2003-2004 йилларда туғилган қизлар жамоалари ўртасида гандбол бўйича Хоразм вилояти биринчилиги ниҳоясига етди.

Мусобақада Янгибозор, Янгиариқ, Гурлан, Боғот ва Урганч туманлари, шунингдек, Спорт ўйинлари ва енгил атлетикага ихтисослаштирилган болалар-ўсмирлар спорт мактабининг “Ёшлик”, СЎЕАИБЎСМ-1 ва СЎЕАИБЎСМ-2 жамоалари ғолиблик учун майдонга тушди.

Якуний натижаларга кўра, СЎЕАИБЎСМ-1 жамоаси (мураббийи Мансур Бобожонов) вилоят чемпиони номига сазовор бўлди. СЎЕАИБЎСМ-2 эса шоҳсупанинг иккинчи поғонасидан жой олган бўлса, Боғот тумани жамоасига учинчи ўрин насиб этди.

- Гандболчиларимизнинг муваффақияти спорт мактабимиз тренерлари ва ишчи ходимларини жуда қувонтирди. Ушбу ютуқни маҳорат даргоҳида олиб борилаётган саъй-ҳаракатлар самараси, деб биламан. Ишончим комилки, келгусида спортчиларимиз бундан ҳам юқори марраларни эгаллашади, - дейди Спорт ўйинлари ва енгил атлетикага ихтисослаштирилган болалар-ўсмирлар спорт мактаби директори Жамоладдин Абдуллаев.

Мусобақанинг ёпилиш маросимида ғолиб ва совриндор жамоалар ташкилотчилар томонидан тегишли даражада тақдирланишди.