Софиан Ўмиа Абдумалик Халаков ҳақида гапирди

Сербиядаги жаҳон биринчилигида иккинчи бор чемпионлигини қўлга киритган француз Софиан Ўмиа ҳамюртимиз Абдумалик Халаков билан кечган финал жанги ҳақидаги фикрлари билан ўртоқлашди.

«Жаҳон чемпионатида иккинчи бор чемпионлик шоҳсупасига кўтарилганим ёқимли ҳолат. Халаков билан жанг ҳақиқий финал эди ва мен ҳозир Собиқ Иттифоқ боксчилари бўйича мутахассисман деб ўйлайман. Уларга қарши курашиш бўйича яхшигина тажрибага эгаман. Абдумалик Халаков ажойиб боксчи, у Софиан Ўмиа бўлишга ҳаракат қилди. Аммо менинг услубим фақат менга қулай. Бу ҳақиқий финал жанги бўлди ва менга жуда ёқди», - деди Софиан.