«Соғлом ҳаёт учун 5000 қадам» шиори остида оммавий спорт тадбирлари давом этмоқда

Қашқадарё вилояти жисмоний тарбия ва спорт бошқармаси, Қашқадарё вилояти ички ишлар бошқармаси йўл ҳаракати хавфсизлиги бошқармаси билан ҳамкорликда Қарши шаҳрида жойлашган Абдулла Орипов номидаги мактаб хиёбонида, вилоят бўйлаб соғлом турмуш тарзини кенг жорий қилиш, аҳоли айниқса ёшларни спортга бўлган қизиқишларини янада ошириш мақсадида пиёда юриш акцияси ва эрталабки бадантарбия машғулотларининг навбатдагиси карантин қоидаларига риоя қилган ҳолдаўтказилди.

Ушбу оммавий тадбирда шаҳар ҳудудида истиқомат қилувчи аҳолининг барча қатлами, кексалар ва нуронийлар, аёллар ҳамда ёшлар бирдек иштирок этишди. Эътиборли жиҳати мазкур тадбирда 400 нафарга яқин аҳоли иштирок этди.

Бундай оммавий тадбирлар республикамизнинг барча ҳудудларида доимий равишда ташкил этиб борилмоқда.