Сонг Нурмагомедов устидан қозонилган ғалаба тасодифий эмаслигини исботлади

Хитойлик жангчи ўз ғалабаси тасодифий эмаслиги ҳақидаги даъвосига яққол далил келтирди.

"Ҳеч нарса тасодиф эмасди. Мен нима қилишим кераклигини аниқ билардим. Мен тайёр эдим", — деб ёзди Сонг ижтимоий тармоқдаги саҳифасида. У жанг олдидан қиздирилиш машғулотлари акс этган видеони эълон қилди, унда спортчи россиялик жангчини нокаутга учратган ўнг қўл зарбаси билан якунланадиган апперкотлар сериясини машқ қилаётганини кўриш мумкин.

Эслатиб ўтамиз, ўтган ҳафта Шанхайда бўлиб ўтган UFC Fight Night 286 турнирининг марказий жангида Нурмагомедов ва Сонг тўқнаш келишди. Жанг иккинчи раунднинг 1-дақиқаси 48-сониясида хитойлик жангчининг нокаут эвазига ғалабаси билан якунланди.

Сонг Ядонг россиялик жангчига муддатидан олдин мағлубият етказган биринчи спортчига айланди. Бунгача Умар Нурмагомедов фақат бир марта — UFC енгил вазн тоифасидаги чемпионлик камари учун кечган жангда Мераб Двалишвилига ҳакамларнинг якдил қарори билан имкониятни бой берган эди.