15 июн 18:47
Янгиликлар
Теннис, Дзюдо
Сўнгги вакилимиз Файзиев ҳам Фарғона “Челленжер”ида ютқазди
Фарғона шаҳрида теннис бўйича соврин жамғармаси 50 минг АҚШ долларини ташкил қилувчи “Челленжер” туркумидаги турнир давом этмоқда.
Ушбу мусобақанинг асосий тўр баҳсларида 5 нафар теннисчимиз ўз иштирокини бошлаган бўлса, улардан ҳеч бири биринчи босқичдан ўта олмади. Ҳозиргина сўнгги вакилимиз Санжар Файзиев ҳам мағлубият аламини тотиб кўрди.
Дунё рейтингида 210-ўринни эгаллаб турган қозоғистонлик Дмитрий Попкога қарши кортга чиққан ҳамюртимиз рақибига 0:6, 4:6 ҳисобида имкониятни бой берди. Кеча Ҳумоюн Султонов, Шониғматжон Шофайзиев, Темур Исмоилов ва Жўрабек Каримовлар ҳам рақибларига ютқазишган эди.
Мусобақа ғолиби 7,200 доллар мукофот пули ҳамда 90 рейтинг очкосига эга бўлади. Финалчи 4,240 доллар ҳамда 55 долларни қўлга киритади. Биринчи даврада кортга чиққан барча теннисчилар ўз ҳамёнларини 520 долларга бойитиб олишади.
Ҳавола :
Манба : olamsport.com
Фикрлар