"Советский спорт": "Эрон ва Жанубий Кореяни мағлуб эт ва ЖЧга йўлланма ол"

Унга кўра Осиё қитъасидан фақат Ўзбекистонда имконият борлиги айтилган: 

Жаҳон чемпионатига чиқиш учун ушбу қитъада учта босқичдан ўтиш керак. Собиқ Иттифоқ мамлакатларидан Қирғизистон, Тожикистон ва Туркманистон иккинчи босқичда тўхтатшди. Ўзбекистон айни пайтда учинчи босқичда Эрон, Жанубий Корея, Сурия, Қатар ва Хитой билан бир гуруҳдан ўрин олган. 

Саралаш тугашига учта тур қолганида Ўзбекистон Жанубий Кореядан бир, Эрондан – беш очкога ортда қолмоқда. ЖЧ-2018га икки терма жамоа тўғридан-тўғри йўлланма олади. Учинчи ўрин соҳиби нариги гуруҳдаги учинчи жамоа билан тўқнаш келади. Бу катта эҳтимол билан Австралия бўлади. Япония ва Саудия Арабистони дастлабки икки ўринни олиши деярли аниқ. Плей-офф ғолиби ЖЧ-2018 йўлланмаси учун КОНКАКАФ минтақаси вакили билан ўйнайди.

Ҳозирча барчаси Ўзбекистоннинг ўз қўлида – охирги учта ўйиннинг иккитаси асосий рақобатчилари бўлган Эрон ва Жанубий Кореяга қарши. Уларни мағлуб эт ва сен Жаҳон чемпионатидасан, - деб ёзади Россия нашри.