"Сохта" АҚШ бокс федерацияси IBA таркибига қабул қилинди

Ассоциациянинг 86 фоиз аъзолари Дубайда ўтказилган IBA Конгрессида бунга ўз овозларини беришган. АҚШ бокс федерациясига бешта вазн тоифасида собиқ жаҳон чемпиони Рой Жонс раҳбарлик қилади.

Таъкидлаш жоиз, АҚШ асосий бокс федерацияси, яъни USA Boxing шу йилнинг апрель ойида IBA ташкилотидан чиқиб кетганди. Америка бокс федерацияси IBA Халқаро олимпия қўмитаси қарорлари ҳамда олимпия ҳаракатини ҳурмат қилмасликда айблаган ва ўз қарорини шу тарзда изоҳлаган эди. 

Бундан ташқари, USA Boxing Буюк Британия билан ҳамкорликда янги "Халқаро бокс" ташклотини ҳам тузганди. Шунингдек, IBA таркибига аввалроқ ташкилотдан чиқиб кетган Швейцария бокс федерацияси ҳам қайтди.