22 июл 14:39
Янгиликлар

Футбол

«Спартак» Остон Ўрунов учун 2+2 миллион евро тўлашга тайёр

«Спартак» «Уфа»нинг ўзбекистонлик 19 ёшли ярим ҳимоячиси Остон Ўруновни сотиб олмоқчи.

Sport24 сайти журналисти Максим Алланазаровга кўра, Москва клуби «Уфа»га дастлаб 2 миллион евро тўлайди. Агар футболчи «Спартак»да икки йил ўйнаса, «Уфа» яна 2 миллион евро олади.

Манбага кўра яна бир вариант мавжуд: «Уфа» Ўрунов учун 2 миллион евро олади ва кейинги трансфернинг ярим пулига эга бўлади.

Олдинроқ «Спартак» Ўруновни сотиб олишга яқин эканлиги, томонлар шахсий шартнома борасида музокара олиб боришаётгани ва яқин орада трансфер расман эълон қилиниши ҳақида хабар чиққанди.

Ўрунов Тошкентнинг «Локомотив» клубидан шу йилнинг февраль ойида «Уфа»га кўчиб ўтганди.