UZ

Сўнгги янгиликлар

16:16"Интер" тарихидаги энг кучли рамзий жамоа тузилди 0 15:40Диетолог маслаҳати: машғулот вақтида сувни истеъмол қилиш қоидалари 0 15:01Хирн июль ойига мўлжал қилмоқда 0 14:38"Фьюри - Уайт жангини ташкил этишдан маъно кўрмаяпман" 0 13:14Хакими "Реал"га қайтади ва клуб билан янги шартнома имзолайди 0 12:38Пакьяо Головкин билан жанг учун вазнини ўзгартиришга тайёр 0 12:04Спортчилар ижтимоий тармоқларда (20 та сара сурат) 0 11:42Бразилия ўз Олимпиячиларини Европага жўнатади 0 11:20МЮ "янги Месси" курашга қўшилди 0 10:58NBAда фақат битта клуб карантинда қоляпти 0 10:36Даҳшат! UFC президенти йигитларини тартиб ўрнатиш учун АҚШ кўчаларига ташламоқчи 0 10:14Густафссон қайтмоқда, у Вердумга қарши октагонга чиқади 0 09:51Мертенс келажаги борасида бир қарорга келди 0 09:29UFCда парокандалик! Жонс кетидан Масвидаль ҳам ташкилотдан кетмоқчи 1 09:01Ўзбекистон ва Туркманистон: ўзаро ҳамкорлик муҳокама қилинди 0

01 сен 07:21
Янгиликлар

Тадбирлар

Спорт жамоатчилиги Мустақиллик ва эзгулик монументига гулчамбар қўйди

Ўзбекистон Республикаси давлат мустақиллигининг йигирма саккиз йиллик тўйини халқимиз улкан ютуқлар ва кўтаринки кайфиятда қарши олмоқда.

Жорий йилда “Жонажон Ўзбекистоним, мангу бўл омон!” деган эзгу ғоя асосида нишонланаётган энг улуғ ва энг азиз байрам – Мустақиллик кунини мамлакатимиз спорт жамоатчилиги ҳам ўзгача кайфиятда кутиб олишди.

Қувонарлиси, ушбу сана арафасида бир қатор спорт турлари бўйича ўтказилган энг нуфузли мусобақаларда атлетларимиз шоҳсупага кўтарилиб, ўз ғалабаларини Истиқлол айёмига бағишлашмоқда.

Хусусан, яқинда Венгрияда бўлиб ўтган байдарка ва каноэда эшкак эшиш бўйича жаҳон чемпионатида терма жамоамиз аъзолари бронза медали ва Токио-2020 ёзги Олимпия ўйинлари йўлланмасига эга чиққан бўлса, параканоэчиларимиз эришган муваффақиятлар бунданда салмоқли бўлди. 

Шунингдек, дзюдо бўйича Японияда ҳали давом этаётган жаҳон чемпионатида терма жамоамиз аъзоси Шарофиддин Лутфуллаев кумуш медалга сазовор бўлди. Хуллас, фахр ва ғурур қилишга арзигулик ютуқларимиз талайгина.

Маълумки, ҳар йили 31 августда турли вазирлик, идора ва ташкилотларнинг марказий аппарати ходимлари ҳамда фаоллари Мустақиллик майдонига ташриф буюриб, ҳурриятимиз, порлоқ истиқболимиз ва эзгу ниятларимиз рамзи бўлган Мустақиллик ва эзгулик монументига гулчамбар қўйишади. Жумладан, бугун Жисмоний тарбия ва спорт вазирлиги ҳамда Тошкент шаҳар жисмоний тарбия ва спорт бошқармаси ходимлари, спорт фахрийлари ҳамда таниқли спортчилардан иборат жамоа ҳам Мустақиллик ва эзгулик монументи пойига гулчамбар қўйди.

Таъкидлаш жоиз, мустақил мамлакатда, тинчлик ҳукмрон жойда тараққиёт бўлади, юксалиш бўлади. Мустақиллигимизнинг йигирма саккиз йиллиги кенг нишонланаётган шу улуғ кунларда буни спорт жамоатчилиги янада теран ҳис қилмоқда, десак асло муболаға бўлмайди. Ўз навбатида юртимиз атлетлари бунга жавобан халқаро майдонларда эришаётган оламшумул ғалабалари ила мустақиллигимизни янада мустаҳкамлашга ўз ҳиссаларини қўшишмоқда.

Рейтинг:    

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг