Спорт курашлари. Бахшиллоев чемпион, Баҳромовда кумуш, Тўхтаев ва Мўминжоновда бронза!

Ушбу мусобақа эркин, юнон-рим ва аёллар кураши вакиллари учун жорий 2020 йил ҳисобидан ўрин олган илк рейтинг турнири ҳисобланади. Кеча мусобақанинг илк куни юнон-рим кураши усталари медаллар ва рейтинг очколари учун баҳсларни бошлаб беришди. 

Қувонарлиси, биринчи кунги баҳсларнинг ўзида тўртта медаль қўлга киритилди. -67 кг вазнда гиламга чиқган юртдошимиз Маҳмуд Бахшиллоев барча рақибларини мағлубиятга учратиб, турнири ғолибига айланди. Маҳмуд чорак финада италиялик Рубен Марвайсни 8:0, ярим финалда венесуэлалик Хавьер Паленсия Пуэнтесни 8:0, ҳал қилувчи финалда эса мисрлик Муҳаммад Эл Сайид Абуҳалимани 3:1 ҳисобида мағлубиятга учратди. 

-60 кг вазн тоифасида юртимиз шарафини ҳимоя қилган Исломжон Баҳромов эса олтин медаль учун кечган муросасиз финал беллашувида хитойлик Сайлике Валиханга 3:4 ҳисобида ютқазди ва кумуш медалга эга чиқди. У чорак финалда яна бир курашчимиз Феруз Тўхтаевни қийинчилик билан 8:7 ҳисобида таслим этган эди. Феруз мағлубиятга қарамай, ҳиндистонлик Сачин Ранани 9:0 ҳисобида доғда қолдириб, бронза медалига сазовор бўлди.

Терма жамоамизга тўртинчи медални энг оғир (-130 кг) вазндаги курашчимиз Мўминжон Абдуллаев келтирди. Осиё ўйинлари ғолиби норвегиялик Оскар Марвикка қарши кечган беллашувда устунлик эвазига рақибидан устун келди ва бронза медалини қўлга киритди.