18 фев 18:03
Янгиликлар

Спорт курашлари

Спорт курашлари. Жасурбек Ортиқбоев Осиё чемпионати финалида жанг қилди

Хабар бериб ўтганимиздек, Ҳиндистоннинг Нью-Дели шаҳрида спорт курашлари бўйича Осиё чемпионати бошланди.

Бугун мусобақа доирасида -55 кг вазнли юнон-рум курашчимиз Жасурбек Ортиқбоев финалгача етиб келгани ҳақида хабар қилгандик. Бироз аввал у финалда эронлик Пуя Муҳаммад Носирпурга қарши гиламга чиқди ва 0:8 ҳисобида имкониятни бой бериб қўйди.

Шу тариқа, Ортиқбоев Осиё чемпионатининг кумуш медали билан кифояланди. Қайд этиш лозимки, Ортиқбоев мусобақа давомида Таиланд ва Қозоғистон вакилларини мағлубиятга учратганди.

Бироздан сўнг Елмурат Тасмурадов олтин, Бекзод Умаров бронза медали учун гиламга чиқади.