Спорт курашлари. Магомед Ибрагимов Снайдерга ютқазди ва Олимпиадага лицензия қўлга кирита олмади

Мусобақада -97 кг вазн тоифасида юртимиз шарафини ҳимоя қилаётган эркин курашчимиз Магомед Ибрагимов илк жангида Баҳрайн шарафини ҳимоя қилаётган Аҳмед Тажудиновга имкониятни бой бериб қўйганди. Лекин Тажудинов финалга қадар етиб боргани учун ҳамюртимизда бронза медали ва Олимпиада лицензияси учун имконият сақланиб қолганди. 

Ўтиш жангида у аввалига Коста-Рика вакили Максвелл Ласини мағлуб этди. Иккинчи жангда эса Олимпиада чемпиони, уч карра жаҳон чемпиони Кайл Снайдерга ютқазиб қўйди. Ушбу мағлубият сабаб у бронза медали ва Париж Олимпиадаси лицензиясидан маҳрум бўлди. Энди у Қирғизистон ва Туркияда ўтказиладиган турнирлар орқали лицензияга эга чиқиши мумкин. 

Маълумот ўрнида, ушбу вазн тоифасида икки карра Олимпиада чемпиони, беш карра жаҳон чемпиони Абдулрашид Садуллаев ҳам жанг ўтказди ва ярим финалда Тажудинов билан баҳсда жароҳат сабаб ўз жангини давом эттира олмади.