30 июл 21:02
Янгиликлар

Спорт курашлари

Спорт курашлари. Умиджон Жалолов жаҳон чемпиони!

Болгарияда ўсмирлар ўртасида жаҳон чемпионати ўзининг энг қизғин палласига кириб улгурган.

Мусобақанинг иккингчи кунги жанглари доирасида -55 кг вазнли эркин курашчимиз Умиджон Жалолов финал баҳсини ўтказди. Ҳал қилувчи жангда ҳамюртимизга эронлик Маҳди Меҳрдод Вейси тўқнаш келди. Кескин баҳсда ҳамюртимиз 3:1 ҳисобида ғалаба қозонди ва ўсмирлар ўртасида жаҳон чемпионига айланди. Эслатиб ўтамиз, Жалолов мусобақа давомида канадалик Фотис Дэвид Пападопоулосни 10:0, қирғизистонлик Мирбек Сарабековни 10:0, ҳиндистонлик Аман Аманни 3:0, туркиялик Муҳаммад Каравусни 8:0 ҳисобида доғда қолдирди.

Маълумот учун, Умиджон Аргентинада ўтказилган III ёзги ўсмирлар Олимпиадасининг олтин медаль соҳиби ҳисобланади.