Спорт мактабида йил якунлари сарҳисоб қилинди + ФОТО

Шунга қарамай, тизим вакиллари карантин талабларига риоя этиб, масъулиятни қалбан ҳис қилган ҳолда меҳнат қилишди. Баъзан спортчиларнинг шуғулланишлари онлайн тарзида олиб борилди. Тегишли чекловлар бекор қилингач, машғулотлар ва мусобақалар ўтказиш яна йўлга қўйилди. Спортга ошуфта ҳамюртларимиз  спорт майдонларига қайтиб, беллашувларни бошлаб юборишди.

Жумладан, Хоразм вилояти жисмоний тарбия ва спорт бошқармаси тасарруфидаги Спорт ўйинлари ва енгил атлетикага ихтисослаштирилган болалар-ўсмирлар спорт мактаби (СЎЕАИБЎСМ) тарбияланувчилари нафақат вилоят миқёсидаги мусобақаларда, республика чемпионати ва биринчиликларида ҳам муносиб иштирок этиб, ғолиб ва совриндорлар сафидан жой эгалладилар.      

Чунончи, спорт мактабининг енгил атлетикачилари, бадминтон ва стол тенниси усталари мамлакатимизда етакчилардан эканликларини исботлашди. Шунингдек, маҳорат маскани спортчилари чим устида хоккей, баскетбол, футбол, волейбол, гандбол бўйича Хоразм вилоятининг турли ёшдаги терма жамоалари сафида майдонга чиқиб, совринли ўринларни қўлга киритишди.

Кўпчилиги Ўзбекистон ёшлар ва ўсмирлар терма жамоалари шарафини ҳимоя қилишди. Қолаверса, бошқа спорт турлари бўйича ҳам эътиборга молик натижалар қайд этилди. Вилоятда спорт турларини ривожи йўлида олиб борилаётган изчил саъй-ҳаракатларга миннатдорлик рамзи сифатида Ўзбекистон стол тенниси, енгил атлетика, гандбол ва бошқа федерациялар СЎЕАИБЎСМ раҳбариятига фахрий ёрлиқ ва ташакурнома йўллаётгани сўзимиз тасдиғи саналади.

Мазкур даргоҳда янги йил байрами арафасида йил якунларига бағишлаб йиғилиш ўтказиш анъанага айланган. Тадбир чоғида юқори кўрсаткичга эришган тренер ва ишчи-ходимларни рағбатлантириш йўлга қўйилган. Жорий йил ҳам бундан мустасно бўлмади, албатта.

Бу йилги тадбирда Хоразм вилояти жисмоний тарбия ва спорт бошқармаси бошлиғи Нодира Жуманиязова қатнашиб, спорт мактаби жамоасини янги йил билан муборакбод этди.

СЎЕАИБЎСМ жамоасига 2021 йилда янада юксак натижалар қайд этишларига ишонч билдириб, вилоятда жисмоний тарбия ва оммавий спортнинг ривожи йўлида қўшаётган муносиб ҳиссаси ва юқори натижалари учун спорт мактаби директори Жамоладдин Абдуллаев, директор ўринбосари Азамат Арджанов, методистлар Вали Султонов, Амирбек Матқулиев, Анвар Алимов, Муродбек Бекчанов, тренерлар Алишер Эримов (бадминтон), Темур Оллаберганов (баскетбол), Дилрабо Раҳимова (волейбол), Мансур Бобожонов (гандбол), Алибек Аҳмедов (енгил атлетика), Шодиёр Атаев (стол тенниси), Одилбек Давлетов (теннис), Алишер Рўзметов (футбол), Иззат Бозорбаев (чим устида хоккей), Юсуфбой Содиқов (шахмат) ҳамда бош ҳисобчи Севара Аллаберганова,   шифокор Интизор Сафароваларни бошқарма томонидан тақдирлади.

Муболаға эмас, ўтказилаётган бундай тадбирлар спорт мактаби жамоаси ва спортчиларини улкан марралар сари етаклаши табиий. Зеро, рағбат бу фаолликга етакловчи маънавий омилдир.

Икром ХУДОЙБЕРГАНОВ, Урганч шаҳридан