UZ

Сўнгги янгиликлар

23:20BREAKING NEWS! Ўзбекистон Суперлигасига 13 июнь куни рестарт берилади 0 21:02"Ўзбекистонлик йигит". Рой Жонс услуби ўзига ўхшайдиган боксчилар ҳақида гапирди 5 20:22Кутилмаган хабар. WBC Майк Тайсонга чемпионлик жанги ташкил этиб беришга тайёр 0 19:50Андрей Штурбабинни табриклаймиз! 0 18:02"Реал" "Арсенал" футболчисини харид қилмоқчи 0 17:29Боксчилар ичида энг бойи Тайсон Фьюри, Конор МакГрегор эса... 0 17:02Жанжал давом этади: Уайт Жон Жонсга ёлғон детекторидан ўтишни таклиф қилди 0 16:39Жисмоний тарбия ва спорт университетининг 65 йиллигига бағишланган катта танлов бошланмоқда 0 16:15"Пахтакор"нинг изоҳи: Машариповнинг трансфери 6 миллион еврога баҳоланмаган! 0 15:54Месси ва Роналдуни ортда қолдирган Федерер дунёнинг энг кўп ҳақ олувчи спортчиси бўлди 0 15:33Жонс Дана Уайтга UFCдан кетиши билан таҳдид қилди 0 15:12Mutua Madrid Open турнири сентябрга кўчирилади 0 14:51Forbes дунёнинг кўп ҳақ олувчи футболчисини маълум қилди 1 14:30Гэтжи яна учта жанг ўтказади, у рақиблар ким бўлишини айтди 0 14:09Мухлислар билан ўтадиган World Team Tennis лигаси 5 июль куни бошланади 0

13 апр 07:29
Янгиликлар

Болалар спорти

Спорт мактабларига Президент совғаси - спорт анжомлари топширилди

Бухоро шаҳридаги “Семурғ” спорт мажмуасида вилоятдаги болалар-ўсмирлар спорт мактабларига Президентимиз томонидан спорт анжоми ва жиҳозлари билан тақдирлаш тўғрисидаги сертификатлар топширилди.

Тантанали маросимда вилоят ҳокимининг биринчи ўринбосари Ф.Умаров, Бухоро шаҳри ҳокими К.Камолов ва бошқалар мамлакатимизда спортни ривожлантириш, жумладан, унинг моддий-техника базасини мустаҳкамлашга алоҳида эътибор қаратилаётганини таъкидлади. 

Президентимиз раислигида жорий йил 19 март куни ўтказилган видеоселектор йиғилишида ёшларга бўлган эътиборни янада кучайтириш, уларни маданият, санъат, жисмоний тарбия ва спортга кенг жалб этиш, ёшларда ахборот технологияларидан фойдаланиш кўникмаларини шакллантириш, юртимиз ёшлари ўртасида китобхонликни тарғиб қилиш, хотин-қизлар бандлигини ошириш масалаларига алоҳида урғу берилди.

2.JPG

Илгари сурилган иккинчи ташаббусда ёшларни жисмоний тарбия ва спортга жалб этиш, спорт иншоотлари қувватини оширишга қаратилган дастур доирасида яқин 2 йилда ҳар бир туманда енгил конструкцияли сендвич панелли кичик спорт заллари қуриш белгиланган. Бухоро вилоятидаги болалар-ўсмирлар спорт мактаблари 2018 йилги мусобақаларда эришган натижалари учун Президентимиз томонидан спорт анжом ва жиҳозлари билан тақдирланиши ҳам ушбу ташаббус доирасидаги амалий иш сифатида муҳим аҳамият касб этади.

Вилоятда айни пайтда 14 та болалар-ўсмирлар спорт мактаби, 7 та олимпия ва миллий спорт турлари бўйича давлат ихтисослаштирилган мактаб-интернати, 4 та ихтисослаштирилган спорт мактаби ва Бухоро ихтисослаштирилган олимпия захиралари мактаб-интернати фаолият кўрсатмоқда. Уларда 19 минг 480 дан зиёд ёшлар спорт билан мунтазам шуғулланмоқда. 

Ўтган йили вилоят спортчилари ёшлар олимпиадаси, жаҳон паралимпия мусобақалари, жаҳон чемпионатлари ва биринчиликлари, барча турдаги Осиё беллашувлари, халқаро турнирларда 66 та олтин, 40 та кумуш ва 51 та бронза медалини қўлга киритган. Шунингдек, вилоят спортчилари мамлакат чемпионати, кубоги ва турнирлари беллашувларида 1 минг 65 та совринли ўринга сазовор бўлган.

Президентимиз томонидан спорт мактабларига ажратилган қарийб 3,6 миллиард сўмлик 333 турдаги 9 минг 151 дона спорт анжом ва жиҳози ёшларни спортга янада кенг жалб этиш, улар орасидан истеъдодлиларни кашф қилиш ва маҳоратини оширишда кенг имконият яратади.

3.JPG

Рейтинг:    

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг