“Спорт вазири кубоги” учун мусобақа бўлиб ўтади

Жумладан, Тошкент шаҳридаги таълим муассасалари (8-9 ва 10-11 синф) ўқувчилари ҳамда 505 та маҳалла фуқаролари (18-30 ёшгача бўлган эркак ва аёллар) ўртасида “Ўзбекистон Республикаси Жисмоний тарбия ва спорт вазири кубоги” учун спорт мусобақалари ва соғломлаштириш тадбирлари бўлиб ўтади.

Мазкур тадбирларда спортнинг 5 та туридан (баскетбол, бадминтон, волейбол, стол тенниси ва мини футбол) жами 22 000 нафарга яқин ҳамюртларимиз (шундан 14 000га яқини ёшлар) иштирок этиши режалаштирилган.

Маълумот учун, мусобақалар 10 декабрдан 25 декабрга қадар 3 та босқичда ўтказилади. Бугунги кунда туман жисмоний тарбия ва спорт бўлимлари томонидан жамоларни шакллантириш ишлари амалга оширилмоқда.