Спортчилар оиласи: янги ўқув йили, янги режалар ва ҳаяжонли онларнинг бошланиши!

Унда бир қатор фахрли меҳмонлар, университет профессор-ўқитувчилари ва раҳбар ходимлар, халқаро мусобақалар совриндорлари, Ўзбекистон ва жаҳон чемпионлари, талабалар ҳамда уларнинг ота-оналари қатнашди. 

Тадбир университет ректори, профессор М.Болтабаевнинг кириш сўзи билан бошланди. Олийгоҳ раҳбари, аввало, тадбир иштирокчиларини мустақиллигимизнинг 31 йиллиги билан чин дилдан муборакбод этди ва талабалик бахтига мушарраф бўлган барча талаба-ёшларнинг спортчилар оиласига қўшилганликлари билан табриклади. Шунингдек, фахрли меҳмонлар, ота-оналар ва ёши улуғ устоз-мураббийлар ҳам ўзларининг самимий тилакларини билдириб ўтишди.

Тадбир сўнгида эса талабаларга университет раҳбарияти таништирилиб ўтилди ва янги ўқув йилидаги илк дарс машғулотларининг бошланишига рухсат берилди.

Маълумот учун, 2022-2023 ўқув йилида Ўзбекистон давлат жисмоний тарбия ва спорт университетига жами 1750 нафар талаба, шундан 1350 нафари кундузги таълим шаклига, 400 нафари сиртқи таълим шаклига қабул қилинди.

Илҳом РАҲМОНОВ тайёрлади