Спортчиларимиз Рамзан Кадиров кўз ўнгида ўтган мусобақада шохсупага кўтарилишди ФОТО

Ўз тарихида тўққизинчи маротаба ташкил этилган Турпал-Али Зелимханович хотирасига бағишланган ушбу мусобақада Украина, Озарбайжон, Арманистон, Қозоғистон, Словения, Россиянинг 19 та минтақасидан келган жами 250 нафардан зиёд дзюдочилар ғолиблик йўлида татамга чиқишди. 

Халқаро турнирда беш нафар ўзбекистонлик дзюдочилар ҳам ўз маҳоратларини намойиш этишди. Грозний татамиларида Шаҳбоз Нурматов (-60 кг), Жалолиддин Бойназаров (-73 кг), Юсуфбек Нормаматов (-81 кг), Беҳруз Амандавлатов (-66 кг) ва Шоҳруҳ Мамарасулов (+100 кг) юртимиз шарафини ҳимоя қилди. 

Қувонарлиси, Бекзод Тўрабоев шогирдларидан икки нафари ғолиб ва совриндорлар сафидан жой эгаллади. -66 кг вазн тоифасидаги баҳсларда иштирок этган Беҳруз Амандавлатов барча рақибларини мағлубиятга учратиб, олтин медални қўлга киритди. Шоҳруҳ Мамарасулов эса бронза медалига сазовор бўлди.