Спортчимизнинг икки йиллик мағлубиятсиз сериясини ҳакамлар бузишди

Финалда амалдаги жаҳон чемпиони, эронлик Амир Меҳдизодага қарши бўлиб ўтган жангда асосий вақт 0:0 ҳисобида якунланди. Асосий вақтдаги аниқ зарбани ҳакамлар ҳисобга олишмаганини алоҳида қайд этишимиз лозим. Қўшимча вақтларда эса эронлик спортчи 3:2 ҳисобида ғалаба қозонди ва Осиё чемпионлигини қўлга киритди. Вакилимиз эса кумуш медаль билан кифояланди.

Шу тариқа Садриддин Сайматовнинг икки йиллик мағлубиятсиз сериясини ҳакамлар бузишди. У сўнгги маротаба 2015 йилги Осиё чемпионатида мағлубиятга учраганди. 

19 ёшли спортчимиз бунгача 5 та Гран При турнирида ғолибликни қўлга киритган. "Ислом бирдамлик ўйинлари"да илк олтин медални ҳам айнан Садриддин Ўзбекистон ҳисобига қўшиб қўйганди.