23 мар 16:49
Янгиликлар

Бошқалар

Спортимиз фидойиларига “Ўзбекистон спорт фахрийси” кўкрак нишони топширилди + ФОТО

Халқимизда азиз анъана бор: азал-азалдан қутлуғ айёмларда, умумхалқ байрамларда ёши улуғ инсонларга ҳурмат ва эҳтиром кўрсатилади.

Бинобарин,бу миллий қадриятларимиз сирасидан, албатта. Зеро, эзгу амаллар инсон ҳаётини безайди. Эъзозли удумимиз Наврўз айёми кунлари ҳам исботини топди.

Урганч шаҳридаги “Бадминтон маркази”да уюштирилган маросимда спорт тизимида кўп йиллар самарали меҳнат қилган, ўзларининг фидойиликлари билан эл-юртга танилган хоразмлик Рустам Раҳмонов, Бахтиёр Бобожонов ва Икром Худойбергановлар Ўзбекистон спорт ташкилотлари фахрийлар кенгашининг “Ўзбекистон спорт фахрийси” кўкрак нишони билан тақдирланишди.

Хоразм вилояти спорт фахрийлари кенгаши раиси Абдуҳалим Қутлиев мукофотни ўз эгаларига топширар экан, тақдирланганларнинг соҳа ривожига қўшган улкан ҳиссасини алоҳида қайд этиб ўтди.