Стефанос Циципас жароҳати сабабли йирик турнирни ўтказиб юборади

Eurosport хабарига кўра, Европа термасида Циципаснинг ўрнини 19 ёшли франциялик Артюр Фис эгаллайди. Олдинроқ ушбу турнирда дунёнинг тўртинчи рақамли ракеткаси Хольгер Руне ҳам иштирок эта олмаслигини билдирганди. Унинг ўрнини испаниялик Алехандро Давидович-Фокина эгаллаганди.

Фис ва Давидович-Фокинадан ташқари Европа термаси шарафини Андрей Рублёв (Россия, 6), Каспер Рууд (Норвегия, 9), Хуберт Хуркач (Польша, 16) ва Гаэль Монфис (Франция, 146) каби теннисчилар ҳимоя қилади.

Эслатиб ўтамиз, Лэйвер Кубоги 22-24 сентябрь кунлари Канадада ўтказилади.