10 мар 13:19
Янгиликлар

Теннис

Стэн Вавринка 84-ракеткага ютқазиб қўйди

Дунёнинг 20-ракеткаси бўлиб турган Стэн Вавринка Қатар пойтахти Доҳа шаҳрида ўтказилаётган теннис турниридаги иштирокини якунлади.

Швейцариялик 35 ёшли теннис устаси рейтингнинг 84-поғонасидан жой олиб турган Жанубий Африка Республикаси вакили Ллойд Харрисга 6/7(3), 7/6(6), 5/7 ҳисобларида имкониятни бой бериб қўйди.

Учрашув 160 дақиқа давом этган. Вавринка 17, 24 ёшли Харрис эса 11 та эйс зарбасини амалга оширган. Бу теннисчиларнинг ўзаро ўтказган илк учрашуви эди. Энди у Qatar ExxonMobil Open турнирининг иккинчи даврасида венгриялик Мартон Фучовичга қарши кортга чиқади.