26 янв 16:45
Янгиликлар

Бокс/ММА

Стерлинг - Сехудо жангининг янги санаси маълум қилинди

Энг енгил вазн тоифасида амалдаги UFC чемпиони Алжамэйн Стерлинг ҳамда икки вазнда собиқ чемпион Генри Сехудо ўртасидаги жангнинг янги санаси ва манзили айтилди.

Таниқли спорт шарҳловчиси Дэймон Мартиннинг айтишича, ушбу жанг 8 апрель куни Бруклинда ташкил этиладиган UFC 287 турнирида ўтказилади.

"Ҳа, ҳали расман бу маълумот ўз тасдиғини топгани йўқ. Лекин мендаги маълумотларга кўра жангни UFC 287 турнири доирасида ўтказишмоқчи. Ҳозир ҳамма гап Алжода қолган. Унинг кичик жароҳати бор. Ҳаммаси унга боғлиқ", - деди журналист.

Аввалроқ, Стерлинг - Сехудо жангининг 4 март куни АҚШнинг Лас-Вегас шаҳрида ўтказиладиган UFC 285 турнири кардидан ўрин олиши айтилган эди.