Стол теннисчи ва мураббийларнинг тажрибаси ошди

Семинар “Стол теннисининг тактик тайёргарлигида интерактив модулли ўқитиш методикаси“ мавзусида ўтди. 

Унда С.Маҳмудова мураббийларга қай тарзда спортчиларнинг техник ва тактик салоҳиятларини ошириш кераклиги, ёш спортчиларни стол теннисига ўргатиш борасидаги муаммолар ва уларни ҳал этиш йўллари, инновацион ёндашувлар асосида стол тенниси тактикасини ўргатишнинг асосий тамойиллари ҳақида фойдали маълумотларни берди.

Шунингдек, Саида Маҳмудов ёш спортчиларга ўз устида ишлаш, маҳоратларини ошириш йўлида тинимсиз меҳнат қилишлари ва маҳоратли стол теннисчиларини мусобақаларда қай тарзда ўйнашларини кузатиш кераклиги ҳақида тавсиялар берди.

Семинар сўнггида стол теннисчи ва мураббийлар ўзларини қизиқтирган саволларига тажрибалий мураббиядан атрофлича жавоб олди.