15 сен 14:45
Янгиликлар
Стол тенниси
Стол теннисчиларимиз халқаро турнирга йўл олди
Жорий йилнинг 15-19 сентябрь кунлари Қозоғистоннинг Караганда шаҳрида стол тенниси бўйича мукофот жамғармаси 30 минг доллар бўлган “Kazakhstan International Open” халқаро турнири бўлиб ўтади.
Ушбу рейтинг очколари берувчи мусобақада Абдулазиз Анорбоев, Муҳаммад Ўктамбоев, Жамшид Раҳимберганов, Сўғдиёна Мадалиева, Розалина Хожиева каби умидли стол теннисчиларимиз юрт шарафини ҳимоя қилади. Теннисчиларимиз баҳсларга Мардона Аитова ҳамда Георгий Цой мураббийлиги қўл остида киришади.
Эслатиб ўтамиз, Халқаро стол тенниси федерацияси томонидан илк бор ташкил этилаётган мазкур мусобақада Ўзбекистон, Қозоғистон, Австрия, Саудия Арабистони, Ҳиндистон, Белорус, Россия ва Қирғизстон каби бир қатор давлатлардан келган 70 нафардан зиёд спортчии иштирок этади.
Ўзбекситон стол тенниси федерацияси матбуот хизмати
Ҳавола :
Манба : olamsport.com
Фикрлар