Стол тенниси бўйича “Очиқ эшиклар” куни ҳамда фахрийлар ўртасида мусобақа ташкил этилди + ФОТОГАЛEРEЯ

Ўзбекистон Жисмоний тарбия ва спорт вазирлиги, Миллий олимпия қўмитаси ҳамда мамлакатимиз стол тенниси федерацияси томонидан юртимизда Олимпия ўйинлари туркумидан жой олган спорт турларини, жумладан стол теннисини янада оммалаштириш, аҳоли ўртасида соғлом турмуш тарзини шакиллантириш, болаларни мазкур спорт турига кенг жалб этиш мақсадида стол тенниси бўйича “Очиқ эшиклар” куни ва фахрийлар ўртасидаги мусобақа ўтказилди.

 Мазкур спорт тадбирида болаларга юртимизнинг иқтидорли стол теннисчилари томонидан маҳорат сабоқлари ўтказилди.

– Бугун спортга ҳар қачонгидан ҳам юксак эътибор қаратилмоқда, – дейди Ўзбекистон стол тенниси федерацияси раиси Саида Маҳмудова. – Бу эътибор самарасида аҳоли, айниқса фарзандларимиз ўзлари хуш кўрган спорт турлари билан шуғулланиш орқали ҳар томонламо соғлом бўлиб камол топмоқда. Стол тенниси бўйича ташкил этилган “Очиқ эшиклар” куни ва фахрийлар ўртасидаги мусобақа кўтаринки кайфиятда ўтди. Болаларимиз иқтидорлий спортчиларимиз билан биргаликда шуғулланган бўлса, фахрийларимиз ўзаро рақобатлашди. Бу каби спорт тадбирлари ёшларимизни спортга бўлган муҳаббатларини янада ошириши шубҳасиз.

  Мамлакатимизнинг энг сара фахрий стол тенниси усталари ўртасида ўтган мусобақа ҳам қизғин ва муросасиз ўтди. Юксак тажриба ва маҳоратли фахрийларимиз 20-40, 41-49, 50-59, 60 ва ундан юқори ёш тоифаларга бўлинган ҳолда ғолиблик учун куч синашдир.

– Фахрийлар ўртасида ўтган мусобақанинг 41-49 ёш тоифасида ғолиб бўлганимдан хурсандман. Аслида бу мусобақа дўстона руҳда ўтди. Мен фурсатдан фойдаланиб фарзандларимизга, ёшларга шуни маслаҳат бермоқчиманки, спорт билан шуғулланишни канда қилманг. Спорт – саломатлик гаровидир. Шунингдек, мазкур спорт тадбир ташкилотчиларидан миннатдорман, – дейд Акбар Кулибоев.

Қуйида фахрийлар ўртасида ўтган мусобақа ғолиб ва совриндорлари билан танишасиз:

20-40 ёш тоифаси:

1.Аблетипов.Ш
2. Умаров.О
3. Тожибоев.Х

41-49 ёш тоифаси:
1. Кулибоев.А
2. Абдуллаев.У
3. Шамьюнов.Р

50-59 ёш тоифаси:
1. Муродхўжаев.Д
2. Расулов.А
3. Аҳмедов М

60 ва ундан юқори ёш тоифаси:
1. Раупов.А
2. Хасанов.А
3. Селютин.А

Ўзбекистон стол теннис федерацияси матбуот хизмати