Стол тенниси. Осиё чемпионатининг жамоавий дастурида қизларимиз 12-ўринни эгаллади

Ортда қолган кунда қизларимиз жамоавий дастурдаги иштирокларини якунлашди.

11-14-поғоналар учун кечган беллашувда ҳамюртларимиз дастлаб мезбонларни 3:2 ҳисобида мағлубиятга учратишди. 11-ўрин эгаси аниқланган баҳсда Малайзия 3:1 ҳисобида ғалаба қозонди ва қизларимиз мазкур йўналишда 12-бўлишди. Йигитларимиз эса бугун 17-ўрин учун Шри-Ланкага қарши ўйин ўтказишади. Шунингдек, кун давомида ҳамюртларимиз микст ва жуфтлик дастурларида саралаш баҳсларини бошлашади.

Куннинг энг шов-шувли янгилиги 14 ёшли эронлик стол теннисчи Бенямин Фаражи жамоавий дастурда хитойлик жаҳон рейтинги етакчиси Чутсин Ванни мағлубиятга учратгани бўлди.