Стол тенниси. Ўсмирлар ўртасидаги Ўзбекистон чемпионатида ғолиблар аниқланди ФОТОГАЛЕРЕЯ

Мусобақада Қорақалпоғистон Республикаси, Тошкент шаҳри ва барча вилоятлардан келган жами 258 нафар ўсмирлар ғолиблик йўлида беллашдилар. 

Ўғил болалар ўртасида ўтказилган яккалик баҳсларида Самарқанд вилояти вакили Ш.Искандаров 1-ўринни қўлга киритган бўлса, қизлар ўртасида Тошкент вилояти спортчиси М.Магдиева ғолиб бўлди. 

Чемпионат доирасида жуфтлик ўйинлари ҳам ўтказилди. Ўғил болалар ўртасидаги учрашувларда Тошкент шаҳри вакили Ж.Истамов ва Д.Лутфуллаев, қиз болалар ўртасидаги баҳсларда эса Фарғона вилоятидан М.Баҳодирова ва С.Бахтиёрова жуфтликлари барча рақиблардан устун келиб, ғолиблик шоҳсупасига кўтарилдилар.

Чемпионат якунида ғолиб ва совриндорларга медаллар билан бирга Фарғона вилояти солиқ бошқармасининг қимматбаҳо эсдалик совғалари ҳам топширилди.