Стол тенниси юлдузлари: Уч карра олимпиада чемпиони Ма Линь

Ма Линь 1980 йилнинг 19 февраль куни Хитойнинг Ляонин шаҳрида дунёга келган. Ма олти ёшидан бошлаб стол теннисининг сир асрорларини ўрганишни бошлаган. 1992 йилда маҳаллий жамоага аъзо бўлиб киради. 1994 йилда эса миллий терма жамоа либосини кийишга эришади. 1999 йилда Жаҳон чемпионатининг кумуш ва олтин медалларига эга чиқади. 2004 йилда Афина шаҳри мезбонлик қилган ХХVIII ёзги олимпия ўйинларида жуфтлик баҳсларида олтин медални қўлга киритган бўлса, тўрт йил ўтиб мамлакатида бўлиб ўтган олимпиада яккалик ва жамоавий баҳсларда олтин медалга эга чиқади. Ма Жаҳон чемпионатларида жуфтлик ва жамоавий баҳсларда кўплаб олтин медалга эга чиққан бўлишга қарамасдан, ҳеч қачон яккалик баҳсларида олтин медални қўлга кирита олмаган. У “ITTF World Tour”  мусобақаларида жами 26 марта зафар қучган.

Ўзбекистон стол тенниси федерацияси матбуот хизмати