"Странжа"да умумжамоа ҳисобида биринчи ўринни эгаллаган боксчиларимиз Ўзбекистонга қайтиб келишди + ФОТО

Мусобақада Ўзбекистон терма жамоаси 6 та олтин, 1 та бронза медалини қўлга киритиб, умумжамоа ҳисобида биринчи ўринни қўлга киритди. 

Қайд этиш лозимки, Россия, Қозоғистон ва Украина каби терма жамоалар иккита таркиб билан иштирок этган мусобақада бундай натижани қайд этиш, бокс ҳамжамияти орасида шов-шувга сабаб бўлди. 

Бугун мусобақада иштирок этган чарм қўлқоп усталаримиз юртимизга қайтиб келишди. 

Улар Ислом Каримов номидаги Тошкент халқаро аэропортида кутиб олинди. Кутиб олиш маросимида Спортни ривожлантириш вазири ўринбосари Шаҳрилло Маҳмудов, Миллий олимпия қўмитаси Бош котиби Ойбек Касимов, Ўзбекистон бокс федерацияси мутасаддилари, мухлислар ва ОАВ вакиллари иштирок этишди.

Эслатиб ўтамиз, терма жамоамиз сафида қуйидаги боксчиларимиз совриндор бўлишди: 

Олтин: 

-51 кг: Ҳасанбой Дўсматов 

-57 кг: Абдумалик Халаков

-63,5 кг: Мужибилло Турсунов

-80 кг: Одилжон Аслонов

-92 кг: Мадияр Саидраҳимов

+92 кг: Лазизбек Мулложонов

Бронза: 

-52 кг: Турсуной Раҳимова 

Кутиб олиш маросимидан суратларни томоша қилинг. 

Фото: Азиз Тўхтамуродов