Суд жангига 18 кун қолган Жон Жонс иши юзасидан якуний қарорини эълон қилди

Жонс шу йилнинг 30 март куни тонг саҳар соат 4 да уйига келган антидопинг ходимасининг телефонини олиб қўйиб, уни ҳақорат қилганди. Камига мажбуриятларини бажаришдан бош тортган америкалик аралаш яккакураш устасининг бу қилмиши судга оширилган эди.  

Чемпионнинг бу ҳатти-ҳаракатлари бир йилгача озодликдан маҳрум этиш ва минг доллар миқдоридаги жаримага сабаб бўлиши айтилганди. Лекин якунда суд Жонсдан барча айбловларни олиб ташлади. Аммо бир шарт билан. У қўполлиги ва асабларини жиловлай олмаслиги бўйича тўрт соатлик мажбурий курсда "даволанади". 

Эслатиб ўтамиз, 37 ёшли Жон Жонс 16 ноябрь куни АҚШнинг Нью-Йорк шаҳрида ўтказиладиган UFC 309 турнирида дивизионнинг собиқ чемпиони Стипе Миочичга қарши октагонга чиқади. Бу жанг Жон учун фаолиятидаги сўнггиси бўлиши мумкин.