Султонов ўзидан 100 поғона юқоридаги теннисчини мағлуб этди

Ҳиндистоннинг Пуна шаҳрида ўтказилаётган ушбу "Челленжер" туркумига кирувчи мусобақанинг мукофот жамғармаси 160 000 АҚШ долларини ташкил қилади. Ҳамюртимиз ҳозиргина якунига етган илк давра учрашувида турнирнинг учинчи ракеткаси, австралиялик Тристан Скулкейтни уч сет натижасига кўра мағлубиятга учратди - 6/3, 4/6, 6/3. 

Таққослаш учун, Ҳумоюн Султонов айни пайтда ATP рейтингида 229, турнирда учинчи рақам остида таснифланган Тристан Скулкейт эса 134-поғонадан жой олган. Бир соату 50 дақиқа давом этган баҳсда ҳамюртимиз 5, Яшил қитъа вакили 15 та эйс зарбасини амалга оширди. Қўшхатолар Тристанда кўпроқ бўлди - 5 га 3. 

Энди Ҳумоюн Султонов 1/8 финалда яна бир австралиялик теннисчи, тажрибали Бернард Томичга қарши кортга чиқади. Дунёнинг 227-ракеткаси бўлиб турган Томич бугун 1/16 финалда рейтингда ўзидан 17 поғона юқорида бораётган колумбиялик Николас Межиани 6/2, 6/2 ҳисобида енгди. Томич 10 йил аввал дунёнинг 18-ракеткаси бўлган.