Султонов Сеговия турнирида эски таниши билан уч сетлик учрашув ўтказди

Мукофот жамғармаси 91,250 еврони ташкил этувчи Open Castilla y Leon Villa de el Espinar турнирда ҳамюртимиз Ҳумоюн Султонов ҳам иштирок этмоқда. Мамлакатимизнинг биринчи ракеткаси илк даврада грузиялик Саба Пурцеладзега қарши кортга чиқди. Икки соату олти дақиқа давом этган баҳсда Саба ўтган ҳафтадаги мағлубият учун реванш олди - 4/6, 6/4, 6/3. 

Таққослаш учун, Султонов айни пайтда ATP рейтингида 268, Пурцеладзе эса 273-ўринни эгаллаб турибди. Бу теннисчиларнинг ўзаро учинчи учрашуви бўлди. Ўтган ҳафта Ҳумоюн Испаниядаги турнирнинг илк босқичида Сабани уч сет натижасига кўра мағлубиятга учратганди. Ўтган йили ўзаро ўтказилган илк баҳсда ҳам ҳамюртимизнинг қўли баланд келганди.