Султонов ва Истомин жуфтлик баҳсларида мағлуб бўлди

Мукофот жамғармаси 40 минг АҚШ долларини ташкил этувчи мусобақада теннисчиларимиз ҳам ўз омадларини синаб кўришяпти. Яккаликдаги иштирокини саралаш босқичидаёқ якунлаган Денис Истомин жуфтлик турнирида ҳам мағлубиятга учради. Россиялик Евгений Карловский билан тандем ҳосил қилган Денис 77 дақиқа давом этган 1/4 финалда японияликлар - Каито Уэсуги ҳамда Тошиҳиде Матсуи ҳамкорлигига 4/6, 6/7(5) ҳисобида имкониятни бой берди. 

Яккалик баҳсларида 1/4 финалга йўл олган иккинчи ракеткамиз Ҳумоюн Султонов ҳам жуфтликдаги иштирокини якунлади. Ҳиндистонлик Парикшит Сомани билан жуфтлик ҳосил қилган Султонов ярим финал чиптаси учун кечган баҳсда зимбабвелик Бенжамин Лок ҳамда Янги Зеландия вакили Рубин Стетхэм тандемига 1/6, 6/3, тай-брекда 7/10 ҳисобида ютқазди.