11 июл 06:11
Янгиликлар

Теннис

Султонов Веронадаги "Челленжер"да "финал"га чиқди

Италиянинг Верона шаҳрида теннис бўйича "Челленжер" туркумига кирувчи турнирнинг саралаш баҳслари давом этмоқда.

Мукофот жамғармаси 45 730 еврони ташкил этувчи ушбу турнирда ҳамюртимиз Ҳумоюн Султонов ҳам ўз имкониятини синаб кўряпти. Теннисчимиз ўз иштирокини саралаш баҳсларидан бошлади.

Султонов саралашнинг 1/2 финалида италиялик Самуэль Сегеттини 6/3, 6/1 ҳисобида мағлуб этди. Турнирда 12-рақам остида сараланган Ҳумоюн бугун асосий тўрга йўлланма берувчи финал учрашувида бразилиялик Боскардин Диасга қарши кортга чиқади.

Таққослаш учун, Ҳумоюн Султонов ATP рейтингида 397, Диас эса 333-ўринни эгаллаб турибди. Султонов - Диас учрашуви бизнинг вақт билан 15:30да бошланади ҳамда ғолиб турнирнинг асосий тўрига йўл олади.