Суперлига. Бугун "Навбаҳор" Қаршида, "Пахтакор" Жиззахда ўйнайди

Coca Cola Суперлига. 4-тур
14 июнь, якшанба
18:00 “Сўғдиёна” — “Пахтакор” (“Sport” TV LIVE)
Ҳакамлар: Темур Тўхтасинов, Зиёдулла Абдураҳмонов, Анвар Маражабов, Равшан Абдивоҳидов
Назоратчи: Султон Зайлобиддинов
Комиссар: Лазиз Қўчқоров

"Сўғдиёна" ва "Пахтакор" Ўзбекистон чемпионатлари тарихида 48 бор тўқнаш келган. Уларнинг 40 тасида "шерлар" ғалаба қозонган бўлса, 4 тадан беллашувда дуранг ва жиззахликлар зафари кузатилган. Рақиб дарвозаси 123 марта ишғол этилиб, 38 тўп ўтказиб юборилган. Жиззахдаги ўйинларнинг 18 тасида "Пахтакор" муваффақиятга эришган. Уч мартадан эса мезбонларнинг қўли баланд келган ва дуранг натижа қайд этилган.

Жиззахда 2013 йил 0:0 ҳисобида тугаган учрашувда "Сўғдиёна" уйдаги охирги очкосини қўлга киритган. Сафардаги сўнгги 6 баҳсда "Пахтакор" кетма-кет ғалабага эришган.

20:00 “Насаф” — “Навбаҳор” (“Sport” TV LIVE)
Ҳакамлар: Шерзод Қосимов, Санжар Шоюсупов, Алишер Усмонов, Шухрат Ражабов
Назоратчи: Арслон Хотамов
Комиссар: Зоҳиржон Акрамхонов

Бу клублар Ўзбекистон чемпионатида ҳозирга қадар 46 бор тўқнаш келишган. 22та учрашувда "аждарлар", 12та баҳсда "лочинлар" ғолиб бўлишган. 12та ўйинда дуранг қайд этилган.

Қаршида ўтказилган 23та учрашувдан 3тасида "Навбаҳор" зафар қучган. Охирги икки мавсум "Насаф" ўз уйида бу жамоани мағлуб эта олмаган.