Сув полоси. Эркаклар жамоалари ўртасидаги баҳслар ҳал қилувчи паллада

Сўнгги турда Тошкент шаҳри жамоасидан 22:9 ҳисобида устун келган Наманган вилояти жамоаси олтин медаль учун кураш олиб борадиган бўлди. Ҳал қилувчи учрашувда уларга Наманган шаҳридаги Ихтисослаштирилган болалар ва ўсмирлар спорт мактаби жамоаси рақиб бўлади. Улар Республика олий спорт маҳорати мактаби жамоасини 17:6 ҳисобида мағлуб этишди.

Мазкур ўйинларда мағлубиятга учраган Тошкент шаҳри ва Республика олий спорт маҳорати мактаби жамоалари бронза медали учун ўзаро куч синашадилар. Айни дақиқаларда шунингдек, Наманган шаҳри ва Ўзбекистон сузиш федерацияси жамоалари 5-6 ўринлар учун баҳс юритишаётган бўлса, 7-8 ўринлар учун Фарғона шаҳри ҳамда Наманганнинг “Ёшлик” жамоалари куч синашади.