Сув полоси: Ўзбекистон кубоги соҳиблари аниқланди

Эркаклар ва аёллар жамоалари ўртасида ўтказилган мусобақаларда мамлакатимиз ҳудудларидан 12 та ва Қозоғистон ёшлар жамоаси иштирок этган ўйинлар ҳар жиҳатдан қизиқарли кечишини таъминлади.

Аёллар жамоалари ўртасидаги уч кунлик баҳсларда барча рақибларини мағлуб этган  “Uzbekistan Aquatics” жамоаси мамлакат кубогини қўлга киритди.

Эркаклар ўрасидаги учрашувларда Сув спорт турлари бўйича республика олий спорт маҳорати жамоаси рақибларидан ҳар жиҳатдан устун эканлигини намойиш этди.

Ушбу жамоа ўтказилган ўйинлар давомида Тошкент ва Наманган вилояти жамоаларини, шунингдек, “Тошкент”, “Чирчиқ” ва “Гермес” жамоаларини мағлуб этиб, 1-ўриндан жой эгаллади.

Аёллар ва эркаклар жамоалари мусобақаларида совринли ўринлар Хоразм ва Наманган вилояти жамоаларига тегишли бўлди. Ўзбекистон кубоги якунида ғолиб ва совриндорлар медаль ва дипломлар билан тақдирланди.