06 ноя 07:24
Янгиликлар

Сув спорти турлари

Сувга сакраш. Ҳамюртларимиз Малайзиядаги халқаро турнир шоҳсупасига кўтарилишди

Малайзия пойтахти Куала-Лумпур шаҳрида сувга сакраш бўйича халқаро турнир ўтказилмоқда

Мусобақада иштирокини бошлаган Ўзбекистон терма жамоаси аъзолари ғолиб ва совриндорлар қаторидан жой олишди. Жумладан, 3 метр баландликдан сакраш баҳсларида Ханчжоу-2022 Осиё ўйинлари иштирокчиси Вячеслав Качановнинг чиқиши кумуш медаль учун етарли бўлди.

Бундан ташқари, Вячеслав Качанов ҳамда Игорь Мьялин жуфтлик баҳсларида ҳам юқори натижаларни қайд этишди. Улар 10 метр баландликдан сувга сакрашда учинчи ўринни банд этишди. Уч метр баландликдан сакраш беллашувларида эса Качанов ва Мьялин жуфтлиги энг юқори натижани билан олтин медални қўлга киритди.

Шундай қилиб, мусобақанинг илк кунида терма жамоамиз аъзолари учта медални қўлга киритишди.