06 ноя 11:23
Янгиликлар

Сув спорти турлари

Сувга сакраш. Качанов ва Мялин Татаристондаги мусобақанинг синхрон дастурида иккинчи бўлишди

Хабар берганимиздек, Татаристон маркази Қозон шаҳрида сувга сакраш бўйича "Татаристон раиси кубоги" мусобақаси бўлиб ўтмоқда.

Мусобақанинг 3 метр баландликдаги трамплиндан синхрон усулда сакраш дастурида Ўзбекистон терма жамоаси аъзолари Вячеслав Качанов ҳамда Игорь Мялин 324,93 балл жамғариб, кумуш медалга эга чиқди.

Аввалроқ, ушбу мусобақа доирасида Вячеслав Качанов 3 метр баландликдан сакраш дастурида 406,35 балл билан кумуш медални қўлга киритгани ҳақида хабар бергандик.