Сузиш бўйича мамлакат кубоги ўтказилмоқда

Мамлакатимизнинг турли ҳудудларидан келган 350 нафарга яқин сузувчилар ўртасида ўтаётган беллашувларнинг U18 ва катталар ёш тоифасида 100 метрга эркин усулда сузиш йўналишида Абдулазиз Абдумажидов ва Паризод Абдукаримова ғолиб бўлди. Баттерфляй усулида сузишда Муҳаммадамин Раҳматуллаев 200 метр масофани биринчилардан бўлиб босиб ўтди. Шунингдек, 1500 метр масофага эркин сузишда Илья Сибирцев ғалаба қозонди.  

U17 ёш тоифасида 100 метрга эркин сузиш беллашувларида Дмитрий Бахарев зафар қучган бўлса, аёллар орасида Паризод Абдукаримова ўзининг иккинчи олтин медалига эга чиқди. Ушбу ёш тоифасида 200 метрга баттерфляй услубида сузишда Муҳаммадамин Раҳматуллаев кутилганидек маррага биринчи бўлиб етиб келди.  

Шунингдек, U15 ёшли сузувчилар ўртасидаги 100 ва 1500 метрга эркин, 200 метрга баттерфляй усулда сузиш бўйича Тимур Умаров, Имона Исмоилова, Жавлон Ғаниев, Райхона Низомова, Акмал Турсунов, Зарина Абдусаматовага тенг келадигани топилмади.