04 дек 09:30
Янгиликлар

Сув спорти турлари

Сузувчи Илья Сибирцев АҚШ Очиқ чемпионатида олтин медалга эга чиқди

Кеча АҚШнинг Техас штати, Остин шаҳрида сузиш бўйича 2025 йилги АҚШ Очиқ чемпионати бошланди.

Тўрт кун давом этадиган мазкур мусобақанинг илк кунида эркаклар ва аёллар ўртасида 1500 м масофага эркин усулда сузиш дастурлари ўтказилди.

Эркаклар ўртасидаги беллашувларда Ўзбекистон терма жамоаси аъзоси, Париж-2024 ёзги Олимпия ўйинлари иштирокчиси Илья Сибирцев ҳам стартга чиқди. Аҳамиятлиси, 23 яшар спортчимиз маррага 15:05.51 сонияда етиб келиб, мусобақа олтин медалини қўлга киритди.

Мазкур дастурда жами 15 нафар атлет баҳс олиб борди. Сузиш бўйича АҚШ Очиқ чемпионати 6 декабрь куни ниҳоясига етади.