Табриклаймиз. Қудратилло Абдуқаҳҳоров 30 ёшда!

Мустақиллик фарзанди ҳисобланган чарм қўлқоп устамиз 1993 йил 29 август куни Андижон вилоятининг Қўрқонтепасида дунёга келган. Бокс билан 7 ёшида шуғулланишни бошлаган. Профессионал боксдаги дебюь жангини 2015 йилнинг 18 октябрь куни Тимур Смирновга қарши ўтказиб, рақибини техник нокаутга учратган эди. 

Бугунги кун қаҳрамони The Punisher лақаби остида яримўрта вазн тоифасида ўз жангларини ўтказиб келяпти. У икки кундан сўнг, 31 август куни Москвада навбатдаги жангида рингга кўтарилади. Ўша куни унга россиялик Магомед Мадиев рақиблик қилади. Жанг 8 раунддан иборат бўлади. 

Бу Абдуқаҳҳоров учун проф фаолиятидаги 21-жанг бўлади. Ҳисобида 18 та ғалаба бор. Ёрқин ғалабалари қаторида собиқ жаҳон чемпиони Луис Коллацони мағлуб этганини айтиш ўринли бўлади.

Cайтимиз ижодкорлари ва ўқувчилари номидан бугун таваллуд айёмини нишонлаётган Қудратилло Абдуқаҳҳоровни унутилмас кун билан муборак этамиз. Унинг фаолиятида фақат ғалабали онлар, ҳаётида қувончли кунлар кўп бўлишини тилаймиз.