Таэквондо бўйича Лондон-2012 Олимпиадаси совриндори яна UFC билан шартнома имзолади

Бу ҳақда спортчининг манфаатларини ҳимоя қилувчи First Round Management агентлиги матбуот хизмати маълум қилди.

Эслатиб ўтамиз, Робелис 2024 йилда бир неча ой давомида UFCда жанг қилган. Лигадаги фаолияти давомида у бир марта ғалаба қозониб, икки марта мағлубиятга учраган.

Шундан сўнг кубалик жангчи Karate Combat ташкилоти билан шартнома имзолади. У мазкур промоушенда еттита жангнинг барчасида ғалаба қозонди ва бирор марта ҳам мағлуб бўлмади. Бундан ташқари, Робелис оғир вазн тоифасида Karate Combat чемпионилик камарини ҳам қўлга киритди.

Кубалик спортчи ММА қоидалари бўйича сўнгги жангини 16 май куни бўлиб ўтган MVP турнирида ўтказди. Унинг рақиби UFCнинг оғир вазндаги собиқ чемпиони, бразилиялик Жуниор дос Сантос бўлди. Жанг биринчи раундда Робелис Деспейннинг нокаут орқали ғалабаси билан якунланди.