05 дек 16:01
Янгиликлар
Таэквондода Корея, дзюдода Греция. Ўзбекистон терма жамоаларида қайси мамлакатлардан мураббийлар ишламоқда?
Спортчиларимизнинг юқори натижалар қайд этишида хориж тажрибасининг ўрни катта. Бунинг учун спорти ривожланган мамлакатлар билан ҳамкорликда ишлаш юқори самара беради. Бу ҳақида муҳтарам юртбошимиз 4 сентябрь куни Жисмоний тарбия ва спорт соҳасини ривожлантириш мавзусида ўтказган видеоселекторда ҳам алоҳида таъкидлаб ўтган эдилар. Ушбу йўналиш бўйича белгилаб берилган топшириқлар асосида айни пайтга келиб бир қатор спорт турлари бўйича хорижлик мутахассислар билан келишувга эришилди. Жумладан, ортда қолган вақт мобайнида қуйидаги спорт турларида хорижлик мураббийлар терма жамоамизда фаолият бошлашди:
| Жалб этилган мураббий | Спорт тури | Мамлакати | Қачондан иш бошлади |
| Ким Юнг Жинг | Таэквондо | Корея Республикаси | 2019 йил сентябрь |
| Янша Милош | Академик эшкак эшиш | Словения | 2019 йил октябрь |
| Шахаб Султани | Каратэ | Эрон | 2019 йил октябрь |
| Виктор Земцев | Триатлон | Украина | 2019 йил октябрь |
Эътибор беринг! Таэквондо спортида кореялик мутахассис келгандан бери қуйидаги натижаларга эришилди:
- Гран-при таснифига кирувчи мусобақаларда илк бор ўзбекистонлик аёл таэквондочилар медаль қўлга киритди (Нигора Турсунқулова ҳамда Светлана Осипова, Чиба Гран-приси);
- Хитойнинг Ухань шаҳрида ўтган Бутунжаҳон ҳарбийлар ўйинларида таэквондо бўйича Ўзбекистон терма жамоаси умумжамоа ҳисобида биринчи ўринни эгаллади;
- Катта дубулға таснифидаги турнирда терма жамоамиз илк медалини қўлга киритди (Хитой, Нигора Турсунқулова).
Бунгача спорт турлари бўйича терма жамоаларимизда фаолият олиб бораётган бошқа хорижлик мутахассислар:
| Жалб этилган мураббий | Спорт тури | Мамлакати | Қачондан иш бошлади |
| Екатерина Пирожкова | Бадиий гимнастика | Россия | 2019 йил январь |
| Ержас Болтаев | Оғир атлетика | Қозоғистон | 2019 йил январь |
| Владимер Ликвеишвили | Камондан отиш | Грузия | 2019 йил январь |
| Александр Житецкий | Қиличбозлик | Россия | 2019 йил |
| Алессандро Традори | Италия | 2019 йил | |
| Мартин Камажиев | Болгария | 2019 йил | |
| Владимир Назлимов | Россия | 2019 йил | |
| Любинко Друлович | Футбол | Сербия | 2018 йил |
| Милорад Алексич | Сув полоси | Сербия | 2019 йил август |
| Татьяна Хайцер | Синхрон сузиш | Россия | 2019 йил август |
| Евдокия Гречишникова | Замонавий бешкураш | Россия | 2019 йил август |
| Заза Силагадзе | Юнон-рум кураши | Грузия | 2018 йил |
| Илиас Илиaдис | Дзюдо | Греция | 2019 йил |
2020 йил давомида эса қуйидаги спорт турларига мутахассислар жалб қилиниши режалаштирилган:
| Ўрганиб чиқилаётган тренерлар | Спорт тури | Мамлакати |
| Али Ахметов | Эркин кураш | Россия |
| Николаева М. | Бадиий гимнастика | Россия |
| Горбулина Н.М. | Бадиий гимнастика | Россия |
| Зеновка И.Б. | Бадиий гимнастика | Россия |
| Ашидо Коки | Дзюдо | Япония |
| Евгений Загарулка | Енгил атлетика | Россия |
| Майкл Болл | Сузиш | Австралия |
| Эннио Фалько | Ўқ отиш | Италия |
Фикрлар